Max's Subtle Creations

最近較為滿意的作品:百獸王 Voltron
原因好簡單,因為有好多朋友想擁有佢,結果執咗幾套。由設計、去Bricklink、owl brick、ins 訂件、執件,整埋說明書,算係做曬每一個工序。

相比其他機械人玩具,百獸王嘅變身算係簡單而且完整。 LEGO ideas都出過百獸王,我都買咗砌咗。遺憾係可動性真係一般,而且都好大隻,變身都幾大陣仗。所以設計咗呢隻迷你版。既要痘合得體,又要容易玩,仲要細細隻。

與其他作品不同,我用咗studio設計初稿,記得用咗兩日左右,然後就用咗兩個星期不斷修改,一來要同人交代,作品要做得紥實,二來因為要量產,唔可以用D罕有零件,結果買件又用咗兩個星期。

而喺整個過程中,我開始明白到自己玩同推出產品嘅分別。

介紹返作品,我相信黃藍獅嘅變身係重點。因為變身方法最簡單,而又企得穩。而且可動性亦較原作高。
其次係黑獅個心口,只用上四粒1x1 plate及一塊Turntable,便呈現了十字架。而原作係紅黑色,我換咗紅綠黃藍四色,玩家可以跟返顏色合體,而這個配搭亦不太突兀。

整件作品的創作理念係要將作品縮到最小而又穩固,達至可玩,更要用最常見的零件。過程既繁複又辛苦,可謂可一不可再。

第一版零件同說明書 @ rebrickable.com